எது முதிர்ச்சி

ஆதிசங்கரர்  அருளிய 

'எது முதிர்ச்சி? '

பிறரைத்  திருத்த முயல்வதை  விடுத்து 

தன்னைத் திருத்த முனைவது  முதிர்ச்சி.       1

பிறரை அவர்தம் 

இயல்புக ளோடே 

ஏற்றுக் கொள்ள 

முடிவது முதிர்ச்சி.               2

ஒவ்வொருவருமே 

அவரவர் பார்வையில் 

நேர்மையாளரே 

என்பது முதிர்ச்சி.               3

விடாப்பிடிவாதம் 

விட்டுக் கொடுத்து பற்றினை விட்டிடப் 

பயில்வது  முதிர்ச்சி.           4

உறவால் எதையும் எதிர்பார்க்காமல் கொடைக்காகவே கொடுப்பது முதிர்ச்சி.        5

தான்செய்வ தெல்லாம் தன்னுடைய சொந்த அமைதிக் கென்றே உணர்வது முதிர்ச்சி.          6

தன்பேரறிவைத் தரணிக்குணர்த்த முயல்வதை நிறுத்திக். கொள்வது முதிர்ச்சி.          7

எல்லோரும் தன்னை  ஏற்றுக் கொள்ள வேண்டுமென வேண்டா நிலையே முதிர்ச்சி.           8

பிறருடன் தன்னை ஒப்பிட்டுப்  பார்ப்பதை நிறுத்திக் கொள்ளும் நிலையே முதிர்ச்சி.             9

தன்னோடு தானே சமாதான மாக 

இருந்திடு வோரிடம் இருப்பது முதிர்ச்சி.          10

தேவையும்  ஆசையும் 

பிரித்தறிந்  தாசையை விட்டிட முடிந்தால் 

அதுவே முதிர்ச்சி.             11

பருப்பொருள் எதிலும் இன்பம் இருப்பதாக் கருதுவ தொழிந்தால் வருவது முதிர்ச்சி.             12